MOLDOVANIN VƏ UKRAYNANIN XARİCİ İŞLƏR NAZİRLƏRİ DNESTRYANI MÜNAQİŞƏNİN TƏNZİMLƏNMƏSİ MƏSƏLƏLƏRİNİ MÜZAKİRƏ ETMİŞLƏR
Ukrayna Prezidenti Viktor Yuşşenko yaxın vaxtlarda Moldovaya rəsmi səfərə gedəcəkdir. AZƏRTAC-ın xüsusi müxbiri “Novosti-Moldova” agentliyinə istinadla xəbər verir ki, bu haqda aprelin 14-də Kişinyovda Ukraynanın xarici işlər naziri Vladimir Oqrızko ilə Moldovanın xarici işlər və Avropaya inteqrasiya naziri Andrey Stratanın birgə mətbuat konfransında bildirilmişdir.
Ukrayna naziri demişdir ki, səfər zamanı Dnestryanı bölgədəki münaqişənin həlli, energetika və müştərək mülkiyyət məsələləri müzakirə olunmuşdur.
O vurğulamışdır ki, Dnestryanı bölgədəki münaqişə əvvəlkitək əsas məsələdir və Moldovanın ərazi bütövlüyü əsasında hər iki tərəf üçün qarşılıqlı surətdə məqbul variantın tapılması müstəvisində həll edilməlidir.
Bölmənin digər xəbərləri
