“Morgan Stanley” neftin qiymətinə dair proqnozunu artırıb
Bakı, 16 may, Nihad Budaqov, AZƏRTAC
ABŞ-ın ən böyük banklarından olan “Morgan Stanley” neftin qiymətinə dair proqnozunu yüksəldib.
AZƏRTAC banka istinadla xəbər verir ki, “Morgan Stanley” “Brent” markalı xam neftin bir barrelinin qiymətinin bu ilin dördüncü rübündə 77,5 dollar, 2019-cu ilin birinci rübündə isə 80 dollar olacağını gözləyir. 2019-cu ilin sonuna “Brent” neftinin bir barrelinin qiymətinin 85 dollar səviyyəsinə çatacağı nəzərdə tutulur. Bank 2020-ci ildə “Brent”in qiymətinin 90 dollar/barrelə qədər artacağını proqnozlaşdırır.
“Morgan Stanley” “Light” markalı xam neftin bir barrelinin qiymətinin 2019-cu ilin ilk rübündə 73 dollara çatacağını nəzərdə tutur.
Bölmənin digər xəbərləri
