MOSKVA RUSİYA İMPERİYASININ XARİCDƏKİ MÜLKİYYƏTİNİ QAYTARMAQ NİYYƏTİNDƏDİR
Rusiya Prezidentinin işlər müdiri Vladimir Kojin agentliyin müxbirinə bildirmişdir ki, hazırda nəinki sovet imperiyasına, eləcə də Rusiya imperiyasına məxsus olmuş mülkiyyətin fəal axtarışı gedir və bunun nəticəsində əldə edilən faktlar həmin mülkiyyət barəsində iddia irəli sürməyə imkan verəcəkdir.
Kojin misal olaraq “Bulqartabak” müəssisəsini xatırlatmışdır. Bu müəssisə İkinci Dünya müharibəsindən sonra təzminat qaydasında Sovet İttifaqına verilmişdir. Prezidentin işlər müdiri “Rusiyanın öz mülkiyyətində qəti qayda-qanun yaratmaqda ona əngəl törədən ağır problemlər” olduğunu da etiraf etmişdir. Onun sözlərinə görə, keçmiş sovet respublikaları arasında yalnız Ukrayna “sıfır” variantı deyilən variantla razılaşmır (Rusiya bütün sovet borclarının ödənilməsini öz üzərinə götürür və eyni zamanda, İttifaqın xaricdəki bütün mülkiyyətinə yiyələnir).
Bölmənin digər xəbərləri
