MOSKVADA MDB İQTİSADİ ŞURASININ İCLASI KEÇİRİLƏCƏKDİR
MDB İcraiyyə Komitəsinin mətbuat xidmətindən bildirmişlər ki, iqtisadiyyatda dövlətlərarası münasibətlər sahəsində beynəlxalq standartlara istiqamətləndirilmiş hüquq məkanının formalaşdırılması birincidərəcəli əhəmiyyətə malikdir.
İclas iştirakçıları qarşılıqlı ticarətdə maneələrin mərhələ-mərhələ aradan qaldırılması, səmərəli ödəniş-hesablaşma sistemi yaradılması, müvafiq hüquq bazasının formalaşdırılması məsələlərini müzakirə edəcəklər. Şuranın iclasına bir sıra başqa məsələlər, o cümlədən dəmir yolu nəqliyyatında razılaşdırılmış tarif siyasətinə dair bundan əvvəl qəbul edilmiş qərarların yerinə yetirilməsi, Böyük Vətən müharibəsi əlilləri və iştirakçıları, habelə onlara bərabər tutulan şəxslər üçün nəqliyyatdan güzəştli istifadə hüquqlarının qarşılıqlı surətdə tanınması haqqında sazişə dəyişiklik və əlavələr edilməsi məsələləri çıxarılacaqdır.
Bölmənin digər xəbərləri
