MSK NƏZDİNDƏ MƏTBUAT QRUPUNUN İCLASI KEÇİRİLMİŞDİR
AZƏRTAC xəbər verir ki, oktyabrın 2-də Mərkəzi Seçki Komissiyası nəzdindəki Mətbuat Qrupunun növbəti iclası keçirilmişdir. Qrupun rəhbəri Azər Tağıyev Ümid Partiyası tərəfindən daxil olan müraciətlər barədə məlumat vermişdir. Müraciətlərdə, qanuna müvafiq olaraq, sentyabrın 26-da İctimai radioda prezidentliyə namizədlər üçün təşkil edilmiş dəyirmi masada Müasir Müsavat Partiyasının prezidentliyə namizədinin Seçki Məcəlləsinin və Cinayət Məcəlləsinin tələblərini pozduğu və efir vaxtından düzgün istifadə etmədiyi iddia olunur.
Hər iki məsələ ətrafında müzakirələr aparılmış, Ümid Partiyasının səlahiyyətli nümayəndəsi dinlənilmişdir.
Sonda birinci məsələnin Mərkəzi Seçki Komissiyasının iclasına çıxarılması tövsiyə olunmuş, ikinci müraciətdə isə qanun pozuntusunun olmadığı barədə rəy verilmişdir. Qrupun iclasında prezidentliyə namizədlərin səlahiyyətli nümayəndələri, beynəlxalq və yerli müşahidəçilər iştirak etmişlər.
Bölmənin digər xəbərləri
