MÜDAFİƏ NAZİRLİYİ MƏTBUAT XİDMƏTİNİN MƏLUMATI
ATƏT-in hazırkı sədrinin şəxsi nümayəndəsinin mandatına uyğun olaraq, sentyabrın 16-da Tərtər rayonunun Borsunlu və Talış kəndləri arasındakı ərazidə, qoşunların təmas xəttində monitorinq keçirilməsi planlaşdırılır.
Monitorinqi Azərbaycan tərəfdən ATƏT-in hazırkı sədrinin şəxsi nümayəndəsinin səhra köməkçiləri İ.Palatinus və K.Kratki, həmçinin AƏT-in Yüksək Səviyyəli Planlaşdırma Qrupunun nümayəndəsi keçirəcəklər.
Təmas xəttinin qarşı tərəfində isə monitorinqi ATƏT-in hazırkı sədrinin şəxsi nümayəndəsi səfir A.Kaspşik, onun səhra köməkçiləri Z.Feç və Y.Şarov, həmçinin ATƏT-in Yüksək Səviyyəli Planlaşdırma Qrupunun nümayəndəsi keçirəcəklər.
X X X
NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində sentyabrın 15-dən 19-dək Vildbad Krös şəhərində (Almaniya Federativ Respublikası) Müdafiə iqtisadiyyatı mövzusunda seminar, sentyabrın 16-ı və 17-də Brüssel şəhərində (Belçika Krallığı) Milli imkanların qiymətləndirilməsi üzrə seminar, sentyabrın 16-dan 20-dək İsveçrə ordusu ilə tanışlıq səfəri, Oberammerqau şəhərində (Almaniya Federativ Respublikası) Avropada təhlükəsizlik məsələləri üzrə əməkdaşlıq kursu, sentyabrın 16-dan 26-dək Qarmiş-Partenkirxen şəhərində (Almaniya Federativ Respublikası) “Qloballaşma və təhlükəsizliyin gələcəyi” mövzusunda seminar, sentyabrın 16-dan 27-dək Brunssum şəhərində (Hollandiya) NATO-nun Şimal Regionu Birləşmiş Ortaq Tapşırıq Qüvvələri üzrə kurs, Budapeşt şəhərində (Macarıstan) Hava əməliyyatları üzrə ingilis dili kursu və Oberammerqau şəhərində (Almaniya Federativ respublikası) İctimai informasiya üzrə tanışlıq kursu keçiriləcəkdir.
Tədbirlərdə Azərbaycan Respublikası Silahlı Qüvvələrinin nümayəndələri iştirak edəcəklər.
Bölmənin digər xəbərləri
