“MÜHARİBƏ AĞRILARIM” KİTABI İŞIQ ÜZÜ GÖRMÜŞDÜR
Müəllifin təxminən 15 illik yaradıcılıq axtarışlarını əhatə edən kitabda onun sənədli publisist qeydləri, ədəbi düşüncələri toplanmışdır. Xalqımızın azadlıq mübarizəsindən, ölkəmizin ərazi bütövlüyü uğrundakı döyüşlərdən, Vətən məhəbbətindən bəhs edən toplu Almaz Ülvinin bir şeiri, “Azərbaycan eşqi-Azərbaycan ağrısı” sərlövhəli (ön söz əvəzi) yazısı ilə açılır.
Kitabın “Göyçəm-göy çiçəyim” bölümündə müəllif doğulub boya-başa çatdığı, bu gün isə düşmən tapdağında qalmış ulu Göyçənin tarixini ürək yanğısı ilə qələmə almışdır. Buradakı “Ülvi dünya” bölümü 1990-cı il 20 Yanvar faciəsinə, şəhid-şair Ülvi Bünyadzadə itkisinə, “Qarabağ dərdim” bölməsi” isə torpaqlarımızın bütövlüyü uğrunda döyüşlərə həsr olunmuşdur.
Kitabın 10-dan artıq bölməsində verilmiş yazılarda didərginliyin, qaçqınlığın mənəviyyatımıza, elm və mədəniyyətimizə necə ağır zərbələr vurduğuna tam aydınlığı ilə dilə gətirilir.
Bölmənin digər xəbərləri
