Mustafa Abbasbəyli: Bütün ölkə miqyasında vakansiyaların bir mərkəzdə toplanılmasını hədəfə almışıq
Bakı, 10 iyun, AZƏRTAC
Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin 1500-dən çox əməkdaşı və 77 yerli bölməsi var. Hədəf kimi müəyyən etmişik ki, işçilərin sayını 950-yə endirək və yerli bölmələrin bazasında 22 regional məşğulluq mərkəzi yaradaq. Artıq Bakı şəhəri üzrə 14 məşğulluq mərkəzinin bazasında 5 ərazi məşğulluq mərkəzi yaradılıb.
AZƏRTAC xəbər verir ki, bu barədə Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin rəisi Mustafa Abbasbəyli “Caspian European Club” çərçivəsində “Xüsusi karantin rejimi dövründə əmək münasibətləri” mövzusunda keçirilən onlayn forumda məlumat verib.
Onun dediyinə görə, xüsusi attestasiya keçirilərək yeni bir komanda formalaşdırılıb. Yaxın müddətdə digər regionlarda da analoji addımlar atılacaq və orada fəaliyyət göstərən işçi heyətlərinin tamamilə yenilənməsi həyata keçiriləcək: “Elə bir sistem yaratmağı hədəfə almışıq ki, ölkədə bütün vakansiyalar bir məkanda toplanılsın və bütün işaxtaranlar həmin çətir altında mərkəzləşsinlər”.
Bölmənin digər xəbərləri
