MUXTAR RESPUBLİKADA 19 KƏND İCMA LAYİHƏSİ BAŞA ÇATMIŞDIR
AZƏRTAC xəbər verir ki, hökumətin Dünya Bankı ilə birgə həyata keçirdiyi “Azərbaycan kənd investisiya layihəsi” üzrə 2005-ci ildən bəri Naxçıvan Muxtar Respublikasında 39 kənd investisiya layihəsi başa çatdırılmışdır.
“Azərbaycan kənd investisiya layihəsi” çərçivəsində təkcə bu ilin 11 ayında muxtar respublikanın 6 rayonunda 19 layihə reallaşdırılmışdır.
Naxçıvan regional əməliyyatlar ofisindən alınmış məlumata görə, hazırda daha 30 kənddə icma layihəsinin icrası davam etdirilir. Muxtar respublikanın 10 kəndində elektrik, 4 kəndində su xətləri bərpa olunur, 5 ərazidə artezian quyularının qazılması və supaylayıcı sistemin quraşdırılması, 3 kəndin yolunun təmiri, 8 icma layihəsi üzrə 6 bölgədə tibb məntəqəsinin inşası nəzərdə tutulmuşdur.
Layihə 2008-ci ilin sonunadək davam etdiriləcəkdir.
Bölmənin digər xəbərləri
