Muxtar respublikada qanunvericiliyin tələblərinə cavab verməyən 12 əcnəbi barədə müvafiq tədbirlər görülüb
Naxçıvan, 6 aprel, AZƏRTAC
Naxçıvan Muxtar Respublikası tərəfindən ötən ay muxtar respublika ərazisində qanunsuz yaşayan və qeydiyyatsız olan, həmçinin müvəqqəti yaşamaq üçün icazə vəsiqəsini itirən 12 əcnəbi aşkarlanaraq Azərbaycan Respublikasının qanunvericiliyinə uyğun olaraq barələrində müvafiq tədbirlər görülüb.
Naxçıvan Muxtar Respublikası Dövlət Miqrasiya Xidmətinin mətbuat xidmətindən AZƏRTAC-ın Naxçıvan bürosuna bildirilib ki, ötən ay xidmətə, ümumilikdə, 380 müraciət daxil olub. Daxil olan müraciətlərdən 150-si əcnəbilərə Azərbaycan Respublikasında müvəqqəti və daimi yaşamaq, əmək fəaliyyəti ilə məşğul olmaq üçün icazələrin verilməsi, müvəqqətiolma müddətinin uzadılması, eləcə də vətəndaşlıq məsələləri ilə bağlı olub. Müraciətlərin hər biri ayrı-ayrılıqda Azərbaycan Respublikası qanunvericiliyinin tələblərinə əsasən araşdırılıb, müvafiq qərarlar qəbul edilib.
Ötən dövrdə olduğu yer üzrə qeydiyyatla bağlı 230 müraciət qeydə alınaraq icrası təmin olunub, həmin müraciətlərdən 89-u elektron xidmətlər portalı və elektron poçt üzərindən qəbul edilib. Dövlət Miqrasiya Xidməti tərəfindən fəaliyyət istiqamətlərinə uyğun olaraq maarifləndirmə tədbirləri aparılıb.
Bölmənin digər xəbərləri
