“Nabat” filmi “Ən yaxşı tammetrajlı bədii film” mükafatına layiq görülüb
Bakı, 15 may, AZƏRTAC
Tripoli Beynəlxalq Film Festivalında Elçin Musaoğlunun “Nabat” filmi “Ən yaxşı tammetrajlı bədii film” mükafatına layiq görülüb.
Mədəniyyət və Turizm Nazirliyindən AZƏRTAC-a bildirilib ki, mükafatı təqdim etmək məqsədilə festivalın direktoru Elias Xlat filmin beynəlxalq distribüteri Nasrine Medard de Chardon ilə birgə Kann Beynəlxalq Film Festivalında təşkil olunan Azərbaycan pavilyonuna gəlib.
Mükafatı qəbul edən “Azərbaycanfilm” kinostudiyasının direktoru, Azərbaycan Prodüserlər Gildiyasının sədri Müşfiq Hətəmov festivalla əməkdaşlığı davam etdirəcəyini bildirib.
Bölmənin digər xəbərləri
