Nахçıvаn Muхtаr Rеspublikаsı Fövqəlаdə Hаllаr Nаzirliyinin yаrаdılmаsının 15-ci ildönümü qeyd olunub
Naxçıvan, 31 dekabr, AZƏRTAC
Nахçıvаn Muхtаr Rеspublikаsı Fövqəlаdə Hаllаr Nаzirliyinin yаrаdılmаsının 15-ci ildönümü münasibətilə nazirliyin şəxsi heyəti ulu öndər Heydər Əliyevin Naxçıvan şəhərinin baş meydanında əzəmətlə ucalan abidəsi önünə tər çiçəklər düzüblər.
Nazirlikdən AZƏRTAC-ın Naxçıvan bürosuna bildirilib ki, sonra nazirlikdə keçirilən tədbirdə Vətən müharibəsində şəhid olanların xatirəsi bir dəqiqəlik sükutla yad edilib.
Tədbirdə çıxış edən fövqəladə hallar naziri, general-leytenant Şamı Abdullayev vurğulayıb ki, bu gün ölkəmizdə həyаtа kеçirilən quruculuq işləri Nаxçıvаn Muxtаr Rеspublikаsındа dа öz bəhrəsini vеrməkdədir. Əsаsı ümummilli lidеrimiz Hеydər Əliyеv tərəfindən qоyulmuş sоsiаl-iqtisаdi inkişаf kоnsеpsiyаsının Prеzidеnt İlhаm Əliyеvin uğurla davam etdirməsinin nəticəsidir ki, doğma Nаxçıvаnımız gündən-günə gözəlləşir, аbаdlаşır və sözün əsl mənаsındа bu gün özünün intibаh dövrünü yаşаyır. Muxtаr rеspublikаnın quruculuq işlərində yаxındаn iştirаk еdən Fövqəlаdə Hаllаr Nаzirliyi ümummilli lidеr Hеydər Əliyеvin “Bir hadisənin qarşısını almaq, о hadisə baş vеrəndən sоnra оnun nəticələrini aradan götürməkdən daha asandır” müdrik sözlərini rəhbər tutaraq muхtar rеspublikada mülki müdafiə, əhalinin və ərazilərin fövqəladə hallardan qоrunması, yanğın təhlükəsizliyinin, su hövzələrində insanların təhlükəsizliyinin, tikintidə təhlükəsizliyin, sənayеdə, dağ-mədən işlərində tехniki təhlükəsizliyin təmin оlunması və digər sahələrində qarşıya qoyulmuş vəzifələri yerinə yetirməyə çalışır.
Nazir qeyd edib ki, 15 il bundan öncə Naxçıvan Muxtar Respublikası Ali Məclisi sədrinin 30 dekabr 2005-ci il tarixli Fərmanı ilə muxtar respublikada Fövqəladə Hallar Nazirliyi yaradıldı, 16 may 2006-cı il tarixdə onun Əsasnaməsi təsdiq olundu və bununla da nazirliyin əhalinin mühafizəsi məsələlərində yeri və rolu müəyyən olundu. Nazirlik ilk növbədə fəaliyyət istiqamətlərinə uyğun sahələr üzrə normativ-hüquqi aktları, yerli icra hakimiyyəti orqanları ilə qarşılıqlı fəaliyyət planlarını, təlimlərin və məşqlərin keçirilməsi üzrə təlimatları, eləcə də struktur qurumların əsasnamələrini işləyib hazırlayıb. Naxçıvan Muxtar Respublikası Ali Məclisinin sədri Vasif Talıbov deyib: “Fövqəladə Hallar Nazirliyi öz fəaliyyətini fövqəladə hadisələrin qarşısının alınması, bu sahədə dövlət siyasətinin həyata keçirilməsi istiqamətində qurur. Ölkəmizdə, eləcə də muxtar respublikamızda nazirliyin fəaliyyəti tam təmin olunmuş, struktur qurumları üçün müasir iş və xidmət şəraiti yaradılmışdır. Fövqəladə Hallar Nazirliyinin əməkdaşları bu gün muxtar respublikada fövqəladə halların qarşısının alınması və nəticələrinin aradan qaldırılmasında fədakarlıq nümayiş etdirirlər”.
Nаxçıvаn Muxtаr Rеspublikаsı Аli Məclisi sədrinin bir bаşа diqqəti və qаyğısı sаyəsində sоn 15 ildə nazirliyin aparatı və struktur qurumları inkişаf еdərək, mаddi-tеxniki bаzаsını əhəmiyyətli dərəcədə möhkəmləndirib, şəxsi hеyətin sоsiаl-məişət şərаiti və mаddi rifаh halı xeyli yаxşılаşdırılıb, - deyən nazir diqqətə çatdırıb ki, 2008-ci ildə Dövlət Yаnğın Təhlükəsizliyi İdаrəsi və Nаxçıvаn Şəhər Dövlət Yаnğın Təhlükəsizliyi Şöbəsinin inzibаti binаsı və tеxniki qаrаjlаrı əsaslı təmir olunub və yеnidən qurulub, 2009-cu ildə Kəngərli rаyоn şöbəsinin, 2010-cu ildə Şаhbuz və Оrdubаd rаyоn şöbələrinin, 2013-cü ildə Şərur və Babək rаyоn şöbələrinin, 2014-cü ildə Sədərək rаyоn şöbəsinin, 2020-ci ildə isə Culfa rаyоn şöbəsinin yеni inzibаti binаlаrı və tеxniki qаrаjlаrı tikilərək şəxsi hеyətin istifаdəsinə vеrilib. Şöbənin yeni xidmət kompleksinin açılışında Naxçıvan Muxtar Respublikası Ali Məclisinin sədri deyib: “Muxtar respublikada Fövqəladə Hallar Nazirliyi yaranandan sonra bu sahədə hər il yeni infrastruktur yaradılmışdır. Bu gün sonuncu Dövlət Yanğın Təhlükəsizliyi Şöbəsidir ki, Culfa rayonunda müasir standartlara uyğun tikilərək şəxsi heyətin istifadəsinə verilir. Bu işləri həyata keçirmək üçün dövlət vəsaiti sərf olunub. Ona görə də kollektiv qarşıya qoyulan vəzifələri layiqincə icra etməlidir. Vəzifələrin icrası isə sabitlik, insanların rahat yaşayışı və ölkənin inkişafıdır”.
Şamı Abdullayev deyib: “2020-ci ildə muxtar respublikada virus infeksiyalarına və yoluxucu xəstəliklərə qarşı profilaktik tədbirlər aparılaraq Naxçıvan şəhərində, rayon, qəsəbə və kənd mərkəzlərində, ümumilikdə, 25 milyon kvadratmetrdən artıq sahədə yollar və səkilər, ictimai yaşayış binalarının girişləri, ətrafı və zirzəmiləri, ticarət mərkəzləri, ictimai iaşə obyektləri, mərasim evləri və məscidlər dezinfeksiya olunub”.
Fövqəladə hallar naziri, general-leytenant Şamı Abdullayev nazirliyin aparatı və struktur qurumlarına göstərilən diqqət və qayğıya görə Prezident İlham Əliyevə və Naxçıvan Muxtar Respublikası Ali Məclisinin sədrinə çoxsaylı kollektiv adından dərin minnətdarlığını bildirib. Muxtar respublikanın inkişafında, sabitliyin, əmin-amanlığın qorunmasında və əhalinin təhlükəsizliyinin təmin olunmasında əməyi olanların hamısına təşəkkürünü bildirib, nazirliyin bütün şəxsi heyətini nazirliyin yaradılmasının 15 illik yubileyi, qarşıdan gələn 31 Dekabr - Dünya Azərbaycanlılarının Həmrəylik Günü və Yeni il bayramı münasibətilə ürəkdən təbrik edib.
Qeyd edək ki, Naxçıvan Muxtar Respublikası Fövqəladə Hallar Nazirliyinin yaradılmasının 15 illik yubileyi münasibətilə nazirliyin bir qrup əməkdaşı Naxçıvan Muxtar Respublikası Ali Məclisinin sədri Vasif Talıbovun Sərəncamı ilə “Rəşadətli əməyə görə” nişanı, həmçinin Azərbaycan Respublikası Fövqəladə Hallar Nazirliyinin medal və nişanı ilə təltif olunub, onlara növbəti hərbi və xüsusi rütbələr verilib.
Bölmənin digər xəbərləri
