“Narkomanlığa qarşı mübarizə” mövzusunda gənc jurnalistlər arasında müsabiqəyə start verilib
Bakı, 2 aprel, AZƏRTAC
Gənclər və İdman Nazirliyi Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu ilə birgə “Narkomanlığa qarşı mübarizə” mövzusunda gənc jurnalistlər arasında ən yaxşı müəllif yazıları müsabiqəsini elan edir.
Nazirliyin mətbuat xidmətindən AZƏRTAC-a bildiriblər ki, müsabiqənin məqsədi KİV-lərdə sağlam həyat tərzinin təbliğ olunması və bununla ictimaiyyətin, xüsusilə gənclərin məlumatlılığının artırılması, bu istiqamətdə mətbuatda dərc olunan materialların sayının artırılmasının stimullaşdırılması və gənc jurnalistlərin yaradıcılıq qabiliyyətlərinin nümayiş olunmasına imkan yaradılmasıdır.
Müsabiqədə 18-29 yaşlı jurnalistlər iştirak edə bilərlər.
Üç nominasiya üzrə elan olunan müsabiqəyə bu il yanvarın 1-dən mayın 10-dək mətbuatda dərc edilmiş məqalələr təqdim edilə bilər. Hər nominasiya üzrə üç qalib müəyyən olunacaq. Qaliblərə müvafiq olaraq 300, 200 və 100 manat məbləğində pul mükafatları və diplomatlar təqdim olunacaq.
Bölmənin digər xəbərləri
