NARKOTİK MADDƏ VƏ BIÇAQ GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a verilən məlumata görə, Nəsimi Rayon Polis İdarəsinin 22-ci bölməsi əməkdaşlarının keçirdiyi əməliyyat nəticəsində Bakı şəhər sakini Ruslan Abbasovdan 0,229 qram heroin və 1 ədəd bıçaq götürülmüşdür. R.Abbasovun Xətai Rayon Polis İdarəsi tərəfindən axtarışda olduğu müəyyən edilmişdir.
Xanlar Rayon Polis Şöbəsinin əməkdaşları Tovuz rayon sakini, əvvəllər məhkum olunmuş Paşa Baxşəliyevdən 53,61 qram marixuana, Cəlilabad Rayon Polis Şöbəsinin işçiləri isə Şükürlü kənd sakini Davud Nuriyevdən 670 qram həşiş müsadirə etmişlər.
Faktlarla bağlı cinayət işi açılmışdır.
Bölmənin digər xəbərləri
