NATO RUSİYA İLƏ DANIŞIQLARI MÜVƏQQƏTİ DAYANDIRIR
AZƏRTAC-ın xüsusi müxbiri “Reuters” agentliyinə istinadla xəbər verir ki, NATO-ya üzv dövlətlərin avqustun 19-da Brüsseldə keçirilmiş fövqəladə toplantısında Rusiya qoşunlarının Gürcüstan ərazisindən hələ də çıxmamasına etiraz olaraq, bu hərbi təşkilatla Rusiya arasındakı bütün danışıqların dondurulması barədə qərar qəbul edilmişdir.
Xarici işlər nazirlərinin görüşündə həmçinin, rus əsgərləri Gürcüstanı tərk edənə kimi, altı ildir mövcud olan NATO-Rusiya Şurasının fəaliyyətinin dayandırılması razılaşdırılmışdır.
NATO-nun Baş katibi Yaap de Hoop Sxefferin sözlərinə görə, ilkin olaraq yalnız nazirlər səviyyəsində deyil, eləcə də səfirlər səviyyəsində də görüşlər keçirilməyəcəkdir. İndi əlaqələrin gələcəyi Rusiyanın əlindədir.
Toplantıda həmçinin, NATO-Gürcüstan daimi komissiyasının yaradılması barədə qərar qəbul edilmişdir.
Bölmənin digər xəbərləri
