Naxçıvanda internat məktəbinin şagirdlərinə Yeni il hədiyyələri paylanılıb
Naxçıvan, 29 dekabr, AZƏRTAC
Dekabrın 29-da Ordubad şəhər tam orta internat məktəbində təhsil alan şagirdlərlə görüş keçirilib.
AZƏRTAC-ın Naxçıvan bürosu xəbər verir ki, Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsinin müavini Samir Seyidəhmədli şagirdləri 31 Dekabr - Dünya Azərbaycanlılarının Həmrəyliyi Günü və Yeni il münasibətilə təbrik edib, onlara təhsillərində və gələcək həyatlarında uğurlar arzulayıb.
Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsinin müavini Samir Seyidəhmədli, Azərbaycan Həmkarlar İttifaqları Konfederasiyasının sədr müavini, Naxçıvan Muxtar Respublikası Həmkarlar İttifaqları Şurasının sədri Qəzənfər Abdullayev, Naxçıvan Muxtar Respublikası təhsil nazirinin müavini, nazir vəzifələrinin müvəqqəti icraçısı Elxan Nəcəfov və Ordubad Rayon İcra Hakimiyyətinin başçısı Rəcəb Rəhimli yaxın zamanda Naxçıvanda yaradılacaq Turizm Blogerləri Assosiasiyası üzvlərinin layihəsi çərçivəsində, şagirdlərin Naxçıvan şəhərində təşkil edilən “Snowfest - Qış festivalı”ndakı “Dilək yolkası”nda əks olunan arzularına uyğun hədiyyələri təqdim ediblər. Ümumilikdə, 60 uşağın Yeni il diləyi həyata keçib.
Sonra uşaqlarla xatirə fotosu çəkdirilib.
Qeyd edək ki, yaxın zamanda Naxçıvanda yaradılacaq Turizm Blogerləri Assosiasiyasının üzvləri Ordubad şəhər tam orta internat məktəbində olub və şagirdlərin diləklərini yazaraq muxtar respublikada ilk dəfə təşkil olunan “Snowfest - Qış festivalı”nda bəzədilmiş “Dilək yolkası”dan asıblar. Dekabrın 25-də Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli, dövlət və hökumət nümayəndələri Naxçıvan şəhərinin Heydər Əliyev prospektində təşkil edilən “Snowfest - Qış festivalı”na hazırlığın vəziyyəti ilə maraqlanan zaman dilək ağacından asılan arzularla tanış olub və uşaqların arzularının gerçəkləşdiriləcəyi bildirilmişdi.
Bölmənin digər xəbərləri
