Nərimanov rayonunda karantin rejimi qaydalarını pozan restoran aşkarlanıb
Bakı, 16 noyabr, AZƏRTAC
Nərimanov Rayon Polis İdarəsinin əməkdaşları tərəfindən həyata keçirilən profilaktik tədbir zamanı Ə.Rəcəbli küçəsində yerləşən “Altus” otelinin daxilində yerləşən restoranın karantin qaydalarını pozaraq gecə saat 00:00-dan sonra işlədiyi müəyyənləşib.
Daxili İşlər Nazirliyinin mətbuat xidmətindən AZƏRTAC-a bildirilib ki, gecə saatlarında obyektə baxış keçirilən zamanı fakt təsdiqini tapıb. Orada karantin rejimi qaydalarını pozan 22 nəfər və “Altus” otelin icarədarı Ş.Abdullayev barəsində İnzibati Xətalar Məcəlləsinin müvafiq maddəsi ilə protokol tərtib edilib və onlar ümumilikdə 8400 manat məbləğində cərimə ediliblər.
Profilaktik tədbir zamanı karantin qaydalarını pozan obyektdə olan daha iki nəfər polisin qanuni tələbinə əməl etmədiklərinə, eləcə də tabesizlik göstərdikləri üçün onlar barəsində tərtib edilmiş protokol və toplamış material baxılması üçün Nərimanov Rayon Məhkəməsinə göndərilib.
Bölmənin digər xəbərləri
