Nəsimi rayonunda “Dəmir yumruq” adlı fləşmob təşkil olunub VİDEO
Bakı, 3 noyabr, AZƏRTAC
Yeni Azərbaycan Partiyası (YAP) Nəsimi rayon təşkilatı 8 Noyabr - Zəfər Gününə həsr olunan “Dəmir yumruq” adlı fləşmob keçirib.
Partiyanın mətbuat xidmətindən AZƏRTAC-a bildirilib ki, Qış parkında baş tutan fləşmobda qazilər, universitet tələbələri, gənclər təşkilatlarının fəal üzvləri iştirak ediblər. Dörd yüzə yaxın gənc həm Azərbaycanın xəritəsi və içərisində “Qarabağ Azərbaycandır!” yazısını, həm də tarixi Zəfərimizin əsas rəmzlərindən hesab edilən “Dəmir yumruq” simvolunu yaradıb.
Qeyd edək ki, Yeni Azərbaycan Partiyasının təşəbbüsü ilə ölkənin bir sıra bölgələrində Zəfər Gününə həsr olunan fləşmoblar keçirilir.
Bölmənin digər xəbərləri
