İQTİSADİYYAT
NƏSİMİ RAYONUNDA ƏHALİNİN ELEKTRİK ENERJİSİ İLƏ TƏMİNATI YAXŞILAŞDIRILIR
AZƏRTAC xəbər verir ki, Bakının Nəsimi rayonunda abonentlərin fasiləsiz və keyfiyyətli elektrik enerjisi ilə təmin olunması üçün məqsədyönlü tədbirlər görülür.
“Bakıelektrikşəbəkə” ASC-dən bildirmişlər ki, bu məqsədlə cari ilin 6 ayında rayonda istismar müddəti başa çatmış 5 dəst transformator yenisi ilə, 2 transformator daha güclüləri ilə əvəz olunmuş, texniki cəhətdən nasaz olan 4 transformator məntəqəsənin yerində isə 8 kameralı transformator məntəqələri tikilmişdir.
Rayon ərazisində abonentlərin 97,3 faizinin sayğaclaşdırıldığı, enerji haqlarının ödənilməsinin ötən ilin müvafiq dövründəki 62,1 faizdən 86 faizə yüksəldiyi bildirilir.