Nəsimi rayonunda silsilə oğurluqlar edən şəxs məsuliyyətə cəlb olunub
Bakı, 6 may, AZƏRTAC
Mayın 4-də paytaxtın Nəsimi rayonunda “VAZ-2107” markalı avtomobildən 250 manat məbləğində pul oğurlamaqda şübhəli bilinən Tərtər rayon sakini, əvvəllər məhkum olunmuş E.Xıdırov Nəsimi Rayon Polis İdarəsinin 19-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, onun rayon ərazisindəki mağazaların birindən 500 manat məbləğində pul, 4800 manat dəyərində 40 mobil telefon və danışıq kartları oğurlaması da müəyyənləşdirilib.
Hadisə ilə bağlı rayon polis idarəsi tərəfindən araşdırma aparılır.
Bölmənin digər xəbərləri
