Neytrino işıqdan sürətlə hərəkət edə bilmir
Bakı, 23 fevral (AZƏRTAC). İtaliya alimləri işıq sürətinin üstələnməsinə dair eksperimentin nəticələrini təkzib etmişlər.
Qran-Sassodakı Milli Nüvə Fizikası İnstitutunun mütəxəssisləri fevralın 22-də elan etmişlər ki, neytrino hissəciklərinin hərəkət sürətinin işıq sürətini üstələməsi barədə göstəricilər cihazların xətasının nəticəsi olmuşdur.
Xatırladaq ki, sensasiyalı kəşf ilk dəfə 2011-ci ilin sentyabrında açıqlanmışdır. Onda eksperimentator fiziklərdən ibarət beynəlxalq qrup bildirmişdi ki, Jenevrə ətrafındakı Avropa Nüvə Araşdırmaları Mərkəzindən 732 kilometr məsafədə İtaliyanın Qran-Sasso laboratoriyasına göndərilən neytirono, işıq selinin eyni məsafəni vakuumda qət etməsi ilə müqayisədə detektora 60 nanosaniyə daha tez çatır.
Albert Eynşteynin nisbilik nəzəriyyəsini aşkar alt-üst edən eksperimentin nəticələri təsdiq edilsəydi, müasir fizikanın əsasları yenidən nəzərdən keçirilməliydi.
Bölmənin digər xəbərləri
