NİDERLANDIN KRALİÇASI BENİLÜKS AZƏRBAYCANLILARI KONQRESİNƏ TƏŞƏKKÜR MƏKTUBU GÖNDƏRMİŞDİR
AZƏRTAC-ın xüsusi müxbiri xəbər verir ki, mərkəzi qərargahı Amsterdamda yerləşən Benilüks Azərbaycanlıları Konqresi (BAK) bu il aprelin 30-da Niderlandın milli bayramı - Kraliçanın doğum günü münasibətilə kraliçanı təbrik etmiş və Heydər Əliyev Fondunun təşəbbüsü ilə çap olunmuş “Qarabağ xanəndələri” muğam albomunu ona hədiyyə göndərmişdir.
Bu günlərdə kraliça kabinetinin direktoru P.V.A.Sxelleksin imzası ilə BAK-ın sədri Sahil Qasımovun ünvanına kraliçanın adından təşəkkür məktubu göndərilmişdir. O, məktubunda dəyərli hədiyyəyə - Azərbaycanın folkloru, muğamı və xalq mahnılarından ibarət alboma görə təşəkkürünü bildirmiş, qədim tarixə malik Azərbaycanın zəngin incəsənətinin onda böyük təəssürat doğurduğunu vurğulamışdır. Kraliça Niderland krallığında yaşayan milli azlıqların öz mədəniyyətlərini, dillərini inkişaf etdirməsi üçün hər cür şərait yaradıldığını və bu işdə maraqlı olduğunu da yazmışdır.
Bölmənin digər xəbərləri
