Oğru Mesropun izi ilə...
Berlin, 5 dekabr, AZƏRTAC
Kimisi həbəşlərdən əlifba çırpışdırır, kimisi urartulular, edessalılar və s. kimi tarixin səhnəsindən silinib getmiş xalqların mədəni irsini mənimsəyir, kimisi də melodiyaları, kulinariya reseptlərini, xalçaçılığın sirlərini özününküləşdirir. Torpaqların qəsb edilməsindən isə heç danışmırıq. Bir növ qeyri-sağlam vərdişdir. Hətta deyərdim ki, kollektiv şəkildə kleptomaniyadır.
Bu səbəbdən Ermənistanın sabiq prezidenti Serj Sarkisyanın da oğru çıxması əsla təəccüblü deyil.
Almaniya mətbuatının yazdığına görə, (“azərbaycanlıların stereotiplərini qırdıqlarını” etiraf etməkdən çəkinməyən) bu cinayətkarın quldur dəstəsi Xocalının işğalı zamanı elə öz fermerlərini böyük məbləğdə soyub. Fermerləri 17 min litrdən çox dizel yanacağı ilə təmin etmək planlaşdırılıbmış. O vaxtkı prezident Sarkisyanın birbaşa müdaxiləsi nəticəsində tenderin qalibi elan olunan “Fleş” təchizatçı şirkəti rəqibi “Maksur” şirkəti ilə müqayisədə daha yüksək qiymətə yanacaq təklif edib. “Deutsche Welle” yazır: “Dövlət subsidiyasının məbləği 1 milyard 269 milyon 275 min dram təşkil edib. Lakin əgər proses “Maksur” şirkəti vasitəsilə həyata keçirilsəydi, həmin məbləğ 183 milyon 380 min drama bərabər olardı. Nəticədə dövlət büdcəsindən 489 milyon 160 min 310 dram oğurlanıb”.
Bu isə nə az, nə çox tam bir milyon dollar deməkdir!
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
