OĞUZDA KEÇƏN İLDƏKİNDƏN XEYLİ ÇOX PAYIZLIQ TAXIL ƏKİLMİŞDİR
Oğuz Rayonu İcra Hakimiyyətindən AZƏRTAC-a bildirmişlər ki, rayonun taxılçılıq təsərrüfatlarında 2008-ci ilin məhsulu üçün payızlıq taxıl səpini mütəşəkkil davam edir. Mövsümün əvvəlindən indiyədək rayonda 16 min hektardan artıq sahədə payızlıq taxıl əkilmişdir ki, bu da keçən ilin müvafiq dövrü ilə müqayisədə 6 min 118 hektar və ya 62 faiz çoxdur. Əkin sahələrinin 11 min 268 hektarını buğda, 4 min 784 hektarını isə arpa sahələri təşkil edir.
Nazirlər Kabinetinin “Buğda istehsalçılarının maddi marağının artırılması və buğda istehsalının stimullaşdırılması ilə bağlı əlavə tədbirlər haqqında” qərarı Oğuz taxılçılarının da ürəyincə olmuşdur. Bunun nəticəsidir ki, cari mövsümdə rayonda buğda əkini sahələri keçən ilin eyni dövrü ilə müqayisədə 65 faiz və ya 4 min 454 hektar artmışdır.
Bölmənin digər xəbərləri
