Ölkə vətəndaşlarından turizm məhsulunun satışı zamanı ikitərəfli müqavilənin imzalanmasını tələb etmək xahiş olunur
Bakı, 12 may (AZƏRTAC). Mədəniyyət və Turizm Nazirliyi ölkə vətəndaşlarına müraciət edərək onlara “Turizm haqqında” Azərbaycan Respublikası Qanununun 9-cu maddəsinin 1-ci bəndinə uyğun olaraq, turizm məhsulunun satışı zamanı ikitərəfli müqavilənin imzalanmasını tələb etməyi məsləhət görür.
Nazirlikdən AZƏRTAC-a bildirmişlər ki, həmçinin xarici ölkələrə turist səfərlərini planlaşdıranlara xidmətlərindən istifadə etmək istədikləri turizm şirkətlərindən ilk növbədə Mədəniyyət və Turizm Nazirliyi tərəfindən bu iş üçün onlara xüsusi razılığın (lisenziya) verilib-verilməməsi barədə məlumat almaq tövsiyə edilir.
Bölmənin digər xəbərləri
