Ölkәdə quraşdırılmış bankomatların və POS-terminalların sayı artıb
Bakı, 16 fevral, AZƏRTAC
Yanvarın 1-nə ölkә üzrә quraşdırılmış bankomatların sayı 3068, POS-terminalların sayı 79 min 820, ödәniş terminalların sayı isә 2029 әdәd olub.
AZƏRTAC Mərkəzi Banka istinadla xəbər verir ki, 2022-ci il әrzindә ölkә üzrә bankomatların sayında 3,3 faiz, regionlarda yerlәşәn bankomatların sayında isә 6,6 faiz artım müşahidә edilib. Hesabat dövrünə ölkәdә dövriyyәdә olan POS-terminalların sayı keçәn illә müqayisәdә 30,5 faiz artaraq 79 min 820-yә bәrabәr olub. Tәmassız ödәnişlәri qәbul edәn POS-terminalların sayı isә müvafiq dövr әrzindә 58,5 faiz artaraq 69 min 599 әdәd tәşkil edib. Quraşdırılmış POS-terminalların 87,2 faizi tәmassız ödәnişlәri dәstәklәmәkdәdir.
Regionlarda pәrakәndә ticarәt, ictimai iaşә vә xidmәt müәssisәlәrindә quraşdırılmış POS-terminalların sayı 5029 vә ya 25,2 faiz, o cümlәdәn tәmassız ödәnişlәri dәstәklәyәn POS-terminalların sayı isә 9318 vә ya 88,6 faiz artıb. 2022-ci ilin sonuna banklar tәrәfindәn quraşdırılmış ödәniş terminallarının sayı 2021-ci ilin sonu ilә müqayisәdә 10 faiz artaraq 2029 әdәd tәşkil edib. Bakı şәhәrindә yerlәşәn ödәniş terminallarının sayında 15,2 faiz, regionlarda yerlәşәn ödәniş terminallarının sayında isә 4,3 faiz artım müşahidә olunub.
Bölmənin digər xəbərləri
