ÖLKƏMİZDƏ BİOKÜTLƏDƏN ENERJİ ALINMASI İMKANLARI GENİŞDİR

02.04.2006 [22:40]
Çap et
A⁺ A^-

Sənaye və Energetika Nazirliyindən AZƏRTAC-a bildirmişlər ki, sənaye, kənd təsərrüfatı və sosial xidmət sahələrinin son illərdə sürətli inkişafı biokütlədən istifadə etməklə enerji istehsalı üçün yeni imkanlar açmışdır. İstehsal tullantılarının tərkibində, neft-qaz hasilatı və emalı nəticəsində torpaq sahələrində yığılmış tullantıların çox hissəsində biokütlə maddələri var. Onlardan isə elektrik enerjisi istehsalında istifadə olunan bioqaz, biomaye və bərk biokütlənin alınması mümkündür.

Hesablamalar göstərmişdir ki, alternativ enerji mənbələrindən istifadə etməklə yaxın perspektivdə respublikada istehsal olunan elektrik enerjisinin 5-7 faizini, istilik enerjisinin isə 10 faizə qədərini bu mənbələr hesabına ödəmək mümkündür. Alternativ enerji mənbələrindən istifadənin digər üstün cəhəti bu enerji növündən ölkənin bütün regionlarında istifadə olunmasının mümkünlüyüdür. Həmçinin bu mənbələrdən istifadə nəticəsində respublikanın ekoloji fonunun da xeyli dərəcədə təmizlənməsinə imkan yaranacaqdır.

ÖLKƏMİZDƏ BİOKÜTLƏDƏN ENERJİ ALINMASI İMKANLARI GENİŞDİR

MÜƏLLİFLƏ ƏLAQƏ

Bölmənin digər xəbərləri