Ötən ay OPEC-in gündəlik neft hasilatı 25,2 milyon barrel olub
Bakı, 19 yanvar, AZƏRTAC
Dekabr ayında Neft İxrac Edən Ölkələr Təşkilatının (OPEC) xam neft istehsalı əvvəlki ayla müqayisədə 150 min barrel artaraq sutkada 25 milyon 200 min barrelə yüksəlib.
AZƏRTAC xəbər verir ki, bu barədə Beynəlxalq Enerji Agentliyinin (IEA) neft bazarına dair aylıq hesabatında deyilir.
Bildirilir ki, ötən ay kartel üzrə xam neftdən savayı digər şərti olmayan hasilat isə gündəlik 5 milyon 210 min barrel təşkil edib. Bununla da, dekabrda OPEC-in sutkalıq istehsalı ümumilikdə 30 milyon 410 min barrel olub.
Bölmənin digər xəbərləri
