ÖTƏN İL VƏZİFƏ BAŞINDA 65 JURNALİST HƏLAK OLMUŞDUR
BMİ-nin illik məruzəsinə görə, ötən il xidməti vəzifələrini yerinə yetirərkən 65 jurnalist həlak olmuşdur: Yaxın Şərqdə və Şımali Afrikada 26 (onların 23-ü İraqda), Asiyada 20, Şimali və Cənubi Amerikada 11, Afrika və Avropanın hər birində 4 nəfər. Hindistan, Haiti və Filippin hökumətləri jurnalistlərin həlak olması faktı ilə əlaqədar istintaq aparılmasından çox vaxt tamamilə imtina edirlər.
BMİ-nin direktoru Yohann Frits illik məruzənin təqdim olunması ilə əlaqədar keçirilən mətbuat konfransında bildirmişdir ki, mətbuat azadlığının təmin olunması baxımından Çində və Venesuelada vəziyyət xüsusi narahatlıq doğurur. Hazırda Venesuela Prezidenti Uqo Çaves hətta özəl kütləvi informasiya vasitələrini də nəzarətdə saxlayır, Prezident qvardiyasının əməkdaşları fotoreportyorlara və televiziya operatorlarına güc tətbiq etməkdən belə çəkinmirlər.
Bölmənin digər xəbərləri
