Özbəkistan səfiri: Füzulidə tikiləcək məscid İslam aləmində qardaşlığın rəmzidir
Bakı, 10 oktyabr, AZƏRTAC
Təməlqoyma mərasimi yalnız ibadət məqsədi daşımır, həm də İslam aləmində qardaşlığın rəmzidir. Məscid həm maarifləndirmə, həm də İslam ənənələrinin qorunub inkişaf etdirilməsi istiqamətində fəaliyyət göstərəcək. Bu, nəcib və əhəmiyyətli bir layihədir.
AZƏRTAC xəbər verir ki, bu sözləri Özbəkistanın Azərbaycandakı səfiri Baxrom Aşrafxanov Füzuli şəhərində Türkmənistan tərəfindən hədiyyə olaraq tikiləcək məscidin təməlqoyma mərasimi ilə bağlı keçirilən brifinqdə söyləyib.
O bildirib ki, azad edilmiş ərazilərin bərpasında məscid mühüm rol oynayacaq, iman, mərhəmət və birliyin rəmzinə çevriləcək.
Bölmənin digər xəbərləri
