Pakistanda partlayış nəticəsində azı 5 polis əməkdaşı ölüb
Bakı, 8 yanvar, AZƏRTAC
Pakistanın şimal-qərbində, Hayber Paxtunxva əyalətinin Bacaur rayonunda baş verən partlayış nəticəsində azı 5 polis əməkdaşı ölüb, 10-u yaralanıb.
AZƏRTAC xəbər verir ki, bu barədə “Daily Pakistan” qəzeti xilasedicilərə və polis orqanlarına istinadla məlumat yayıb.
İlkin məlumata görə, polis avtomobili partlayıb. Ölənlər və yaralananlar poliomielit vaksinasiyası zamanı təhlükəsizliyin təmin edilməsinə cəlb olunan hüquq-mühafizə orqanlarının əməkdaşlarıdır.
Dawn qəzetinin məlumatına görə isə partlayışda 4 nəfər həlak olub, 20 nəfər yaralanıb.
Bölmənin digər xəbərləri
