Pambıq lifi və ipliyinin ixracı artıb
Bakı, 23 dekabr, AZƏRTAC
Cari ilin on bir ayında 117,2 min ton pambıq lifi və 16,8 min ton pambıq ipliyi ixrac edilib.
AZƏRTAC Dövlət Gömrük Komitəsinin (DGK) məlumatına istinadla xəbər verir ki, ixrac edilən pambıq lifinin dəyəri 190,3 milyon dollar, pambıq ipliyinin dəyəri isə 51,4 milyon dollar olub.
Xatırladaq ki, ötən ilin yanvar-noyabr aylarında 111,9 milyon dollarlıq 84,7 min ton pambıq lifi, 14,9 milyon dollarlıq 7271 ton pambıq ipliyi ixrac edilib.
Bölmənin digər xəbərləri
