PAYTAXTDA İLİN İLK YARMARKASI KEÇİRİLMİŞDİR
AZƏRTAC xəbər verir ki, yanvarın 5-də Bakı şəhərinin rayonlarında əvvəlcədən müəyyən olunmuş yerlərdə kənd təsərrüfatı məhsullarının satış yarmarkaları keçirilmişdir. Bu ilin ilk yarmarkalarında satışa ümumilikdə 522 ton kənd təsərrüfatı məhsulları çıxarılmışdı.
“Təzə bazar” MMC-nin həyətindəki yarmarkada alıcılara 80 tona yaxın meyvə-tərəvəz, ağartı və digər məhsullar təklif olunurdu. Burada kartof, soğan, yumurta, kök, ət daha çox alınırdı. Paytaxt sakinləri Sabirabad, Gədəbəy, Hacıqabul, Göyçay, Zərdab rayonları fermerlərinin gətirdiyi məhsulların keyfiyyətindən və qiymətindən razılıq edirdilər.
Kənd Təsərrüfatı Nazirliyinin təşkil etdiyi bu yarmarka sayca 156-cıdır. 2006-cı ilin iyul ayından keçirilən yarmarkalarda indiyədək 31 min tondan çox məhsul satılmışdır.
Bölmənin digər xəbərləri
