PAYTAXTDA PAYIZ-QIŞ MÖVSÜMÜNƏ HAZIRLIQ İŞLƏRİ APARILIR
Bakı Şəhəri İcra Hakimiyyətinin başçısı Hacıbala Abutalıbov AZƏRTAC-a bildirmişdir ki, paytaxtın 2006-2007-ci illərin payız-qış mövsümünə hazırlığı ilə əlaqədar görülmüş işlər nəticəsində indiyədək 105,7 kilometr uzunluğunda yol əsaslı, 249 min 460 kvadratmetr məhəllədaxili yol və səkilər, 149 min kvadratmetr dam örtüyü, yararsız vəziyyətdə olan 809 kvadratmetr keçid meydançası, 2560 kvadratmetr pilləkən qəfəsi, 350 kvadratmetr eyvan, 966 metr binadaxili istilik, 3650 metr su və 2051 metr kanalizasiya xətləri təmir edilmişdir.
Bundan başqa, 246 binanın zirzəmisindən keçən mühəndis-kommunikasiya xətləri təzələnmiş, 175 binanın zirzəmisi tam qurudulmuş, su nasosları quraşdırılmış və yeraltı qurunt suları səyyar nasoslar vasitəsilə kənarlaşdırılmışdır.
