Pedaqoji Universitetdə yeni proqramlar üzrə qəbul nəticələri açıqlanıb
Bakı, 21 sentyabr, AZƏRTAC
Azərbaycan Dövlət Pedaqoji Universitetinin (ADPU) yeni proqramları üzrə qəbul nəticələri açıqlanıb.
ADPU-dan AZƏRTAC-a bildirilib ki, cari tədris ilində ilk dəfə qəbul aparılan proqramlar əmək bazarının tələblərinə uyğun müəyyənləşdirilib. Universitetin əsas kampusunda açılan riyaziyyat və fizika müəllimliyi proqramı üzrə ayrılmış 15 plan yerinin hamısı dolub. Proqram üzrə ən yüksək qəbul balı 637,1 olub.
Magistratura səviyyəsində ilk dəfə təklif olunan “Azərbaycan dilinin xarici dil kimi tədrisi”, “Fəlsəfə tarixi” və “Əhalinin müxtəlif qrupları ilə sosial iş” proqramları üzrə də ayrılmış bütün plan yerləri tutulub.
Bölmənin digər xəbərləri
