Polşa İkinci Dünya müharibəsinin başlanmasının 80-ci ildönümünü təntənə ilə qeyd edəcək
Varşava, 29 mart, AZƏRTAC
Polşa hökuməti sentyabrın 1-də İkinci Dünya müharibəsinin başlanmasının 80-ci ildönümünü təntənə ilə qeyd edəcək.
AZƏRTAC xəbər verir ki, bu barədə Polşa Prezidenti Dəftərxanasının rəhbəri Kşiştof Şerski PAP agentliyinə müsahibəsində bildirib.
Qeyd edilib ki, Varşavada keçiriləcək təntənəli mərasimə NATO, Avropa İttifaqı və Şərq Tərəfdaşlığına daxil ölkələrin başçıları dəvət olunacaq. Həmin ölkələr siyahısında Azərbaycan da var.
Onun sözlərinə görə, keçiriləcək silsilə tədbirlərin məqsədi sülhün, ölkələrin suveren hüquqlarının və ərazi bütövlüyünün toxunulmazlığının vacibliyinin beynəlxalq ictimaiyyətə bir daha çatdırılmasıdır.
Aygün Əliyeva
AZƏRTAC-ın xüsusi müxbiri
Varşava
Bölmənin digər xəbərləri
