Polşanın Azərbaycandakı səfiri Bakı Slavyan Universitetində olmuşdur
Bakı, 18 noyabr (AZƏRTAC). Polşanın Azərbaycandakı səfiri Mixal Labenda Bakı Slavyan Universitetində (BSU) olmuşdur.
BSU-nun mətbuat xidmətindən AZƏRTAC-a bildirmişlər ki, tələbələrlə görüşən səfir “Şərq Tərəfdaşlığı” aktual layihəsi haqqında geniş məlumat vermişdir. Altı ildir ki, mövcud olan “Şərq Tərəfdaşlığı” layihəsinin uğurlarından danışan M.Labenda buraya daxil olan ölkələrin fəal iştirakından, bu ölkələrin nümayəndələrinin Polşada olduqları müddətdə əldə etdikləri təcrübədən söhbət açmışdır. O, Polşada və İsveçrədə əsası qoyulan bu layihənin qonşu ölkələr üçün mühüm olduğunu vurğulamış, layihənin fəaliyyət göstərdiyi müddətdə 250 min tələbə və gənc alimin iştirak etdiyini diqqətə çatdırmışdır.
Sonda diplomat tələbələrin çoxsaylı suallarını cavablandırmışdır.
Bölmənin digər xəbərləri
