POLŞANIN BAŞ NAZİRİ İSTEFA VERMİŞDİR
Hökumətin mayın 2-də keçirdiyi fövqəladə iclasında Polşa Prezidenti Aleksandr Kvasnevski bu istefanı qəbul etmiş və keçmiş maliyyə naziri Marek Belkanı yeni hökumətin başçısı qoymuşdur. Təcili keçirilən andiçmə mərasimində Marek Belka istefa vermiş kabinetin nazirlərinin əksər qismini yeni kabinetin tərkibinə dəvət edəcəyini və 14 gün müddətindən gec olmayaraq kabinetə etimad məsələsini Seymdə səsverməyə göndərəcəyini bildirmişdir.
Lesçek Millerin istefası Polşada çoxdan gözlənilirdi. O, hələ iki həftə öncə Polşanın Avropa Birliyinə qəbul olunduqdan dərhal sonra hökumət başçısı vəzifəsindən istefa verəcəyini bildirmişdi. O, ölkəsinin Avropa Birliyinə üzv olmasından fərəh duyduğunu bildirmiş və başçılıq etdiyi hökumətin bu fundamental məqsədə nail olduğunu xüsusi vurğulamışdır.
Bölmənin digər xəbərləri
