“Qadın fenomeni” monoqrafiyası çapdan çıxıb
Bakı, 21 noyabr, AZƏRTAC
Azərbaycan Dövlət Mədəniyyət və İncəsənət Universitetinin (ADMİU) kulturologiya kafedrasının müdiri, dosent Sədaqət Əliyevanın “Qadın fenomeni” monoqrafiyası çapdan çıxıb.
ADMİU-dan AZƏRTAC-a bildiriblər ki, kitabda Azərbaycan tarixində, mədəniyyətşünaslığında və ümumilikdə ölkənin ictimai-siyasi həyatında qadının rolu və müstəsna xidmətlərindən söz açılır. Tarixi inkişaf üzrə mərhələ-mərhələ xronoloji ardıcıllıqla azərbaycanlı qadınların keçdiyi həyat yolunun əsas nüanslarına toxunulub, bu və ya digər səbəbdən indiyədək işıqlandırılmayan bəzi məqamlara aydınlıq gətirilib.
Kitab Azərbaycan tarixi və mədəniyyətşünaslığı sahələrində araşdırmalar aparan alimlər, ali məktəb müəllimləri, tələbələr, habelə elmi ictimaiyyət üçün nəzərdə tutulub.
Bölmənin digər xəbərləri
