QAFQAZ UNİVERSİTETİNİN 10 YAŞI TAMAM OLDU
Noyabrın 27-də Rəşid Behbudov adına Mahnı Teatrında Qafqaz Universitetinin 10 illik yubileyinə həsr olunmuş seminar keçirilmişdir.
Universitetin rektoru, professor Erol Oral seminarı açaraq türk xalqlarının tarixindən danışdı, XX əsr türk dünyasında Atatürkün və Azərbaycan Prezidenti Heydər Əliyevin əvəzsiz xidmətlərini xüsusi vurğuladı.
Sonra MEA-nın müxbir üzvü, Azərbaycanda Atatürk Mərkəzinin müdiri, Milli Məclisin deputatı Nizami Cəfərovun “Atatürk ideologiyasının Azərbaycanda yayılması: problemlər, mülahizələr” mövzusunda məruzəsi dinlənildi.
Natiq Türkiyənin tarixi mövcudluğunu qoruyub saxlamaqda Atatürkün rolundan ətraflı söhbət açdı və bununla bağlı ölkəmizdə çoxlu maraqlı materialların nəşr edildiyini diqqətə çatdırdı. Alim maraqlı paralellər apararaq xüsusi vurğulamışdır ki, ötən əsrin əvvəllərində Mustafa Kamal Atatürkün qardaş Türkiyə Cumhuriyyətinin nicatı üçün etdiklərini əsrin sonlarında Azərbaycanın qurtuluşu üçün Prezidentimiz Heydər Əliyev etmişdir.
Bölmənin digər xəbərləri
