“Qarabağ”ın yay hazırlıq planı bəlli olub
Bakı, 2 iyun, AZƏRTAC
Geridə qalan mövsümdə Azərbaycan Premyer Liqasında 2-ci yeri tutan “Qarabağ”ın yay hazırlıq planı bəlli olub.
Bu barədə AZƏRTAC-ın sorğusuna cavab olaraq Ağdam təmsilçisinin mətbuat xidmətindən məlumat verilib.
Bildirilib ki, komanda təlim-məşq toplanışına iyunun 10-da Bakıda start verəcək. İlk mərhələ iyunun 21-dək davam edəcək. “Köhlən atlar” iyunun 22-dən iyulun 2-dək isə Avstriyada toplanış keçəcək. Ölkə xaricindəki hazırlıq çərçivəsində azı üç yoxlama görüşü nəzərdə tutulub.
Qeyd edək ki, “Qarabağ” yeni mövsümdə Azərbaycanı UEFA Avropa Liqasında təmsil edəcək. Komanda mübarizəyə I təsnifat mərhələsindən başlayacaq.
Bölmənin digər xəbərləri
