Qaradağda Vətən müharibəsi şəhidinin xatirəsi anılıb
Bakı, 19 oktyabr, AZƏRTAC
Vətən müharibəsində Azərbaycanın ərazi bütövlüyü uğrunda döyüşlərdə şəhid olmuş Azərbaycan Silahlı Qüvvələrinin hərbi qulluqçusu Şaiq Kəlbiyevin Qaradağ rayonunun Lökbatan qəsəbəsindəki Şəhidlər xiyabanında anım mərasimi keçirilib.
AZƏRTAC xəbər verir ki, şəhidin anım mərasimində rayon ictimaiyyətinin nümayəndələri, şəhidin ailə üzvləri, qazilər iştirak ediblər.
Tədbirdə şəhidlərin əziz xatirəsi bir dəqiqəlik sükutla yad edilib.
Daha sonra şəhid ailələrinin üzvləri çıxış edərək Şaiq Kəlbiyevlə bağlı xatirələrini bölüşüb, onun şərəfli həyat və döyüş yolundan söz açıblar.
Çıxış edənlər şəhid ailələrinə və qazilərə göstərilən diqqət və qayğıya görə ölkə rəhbərliyinə minnətdarlıqlarını bildiriblər.
Bölmənin digər xəbərləri
