“Qəbələ” futbolçusu Vinko Medimoreçlə yollarını ayırıb
Bakı, 22 iyun, AZƏRTAC
“Qəbələ” futbolçusu Vinko Medimoreçlə yollarını ayırıb.
AZƏRTAC kluba istinadla xəbər verir ki, ötən ilin sentyabrından komandaya qoşulan 25 yaşlı xorvatiyalı müdafiəçinin başa çatan müqaviləsi yenilənməyib.
O, 2020/2021-ci il mövsümündə 26 oyuna 1 qol vurub. Medimoreç Premyer Liqada 23, Azərbaycan kubokunda 3 matça çıxıb.
“Qəbələ” rəhbərliyi Vinko Medimoreçə “qırmızı-qara” forma ilə keçirdiyi oyunlara və qazanılan qələbələrdəki payına görə təşəkkür edib, gələcək karyerasında uğurlar arzulayıb.
Bölmənin digər xəbərləri
