Qəbələdə baş verən yanğın zamanı bir nəfər xəsarət alıb
Bakı, 15 fevral, AZƏRTAC
Qəbələ rayonunda yanğın baş verib.
Fövqəladə Hallar Nazirliyindən AZƏRTAC-a bildiriblər ki, hadisə rayonun Soltannuxa kəndində ümumi sahəsi 120 kvadratmetr olan birmərtəbəli evdə qeydə alınıb. Nəticədə evin bir hissəsi yanıb. Yanğın zamanı 1 nəfər xəsarət alıb, bir nəfər tüstüdən zəhərlənib. Evin qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.
Bölmənin digər xəbərləri
