QIRĞIZISTANDA KƏSKİN HAVA ŞƏRAİTİ YARANMIŞDIR
AZƏRTAC-ın xüsusi müxbiri xəbər verir ki, güclü qar yağması Qırğızıstanın magistral yollarında maşınların hərəkətini çətinləşdirmiş, dağlıq bölgələrdə yollar qar uçqunları nəticəsində müvəqqəti bağlanmışdır. Oş vilayətinin Kapçıqay kəndində qar uçqunları dörd yaşayış evini uçurmuş, dörd sakin həlak olmuş, bir neçə nəfər yaralanmışdır. Çuy, Cəlalabad vilayətlərinin magistral yollarında, həmçinin Bişkek-Oş yolunda qar uşqunları təhlükəsi qalmaqdadır.
Tələfatın qarşısını almaq məqsədi ilə Baş nazir Feliks Kulovun sərəncamı ilə axşam saat 19-dan səhər saat 6-dək ölkənin bütün magistral yollarında hərəkət dayandırılır.
Bölmənin digər xəbərləri
