Qırğızıstanda koronavirusa yoluxanların sayı 1082 nəfərdir
Bişkek, 14 may, АZƏRTAC
Qırğızıstanda COVID-19 koronavirusuna yoluxanların sayı 1082 nəfərdir, onlardan 241-i tibb işçisidir.
AZƏRTAC xəbər verir ki, bu haqda Qırğızıstanın Səhiyyə nazirinin müavini Medemin Karatayev bu gün Bişkekdə keçirdiyi brifinqdə məlumat verib. O deyib ki, indiyədək koronavirusdan 726 nəfər sağalıb. Ölkədə bu virusdan 12 nəfər ölüb, karantində təxminən 1 100 nəfər var.
Nazir müavini deyib ki, pandemiya dövründə 70 min test həyata keçirilib.
Bildirilib ki, indiyədək 22 xarici ölkədən 9 196 Qırğızıstan vətəndaşı ölkəyə gətirilib və bu proses davam edir.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
