İDMAN
Qızıl Avropa Liqası: Kişi voleybolçulardan ibarət yığmanın heyəti açıqlanıb
![Qızıl Avropa Liqası: Kişi voleybolçulardan ibarət yığmanın heyəti açıqlanıb](/files/2024/2/1200x630/1715755558403655657_1200x630.jpg)
Bakı, 15 may, AZƏRTAC
Qızıl Avropa Liqasında mübarizə aparacaq kişi voleybolçulardan ibarət Azərbaycan millisinin yekun heyəti bəlli olub.
Azərbaycan Voleybol Federasiyasından AZƏRTAC-a verilən məlumata görə, baş məşqçi Fərid Cəlalovun rəhbərliyi ilə yarışda çıxış edəcək yığmaya təcrübəli oyunçularla yanaşı, gənclər də cəlb olunub.
Hücumçular: Vüqar Bayramov, Andrey Melnikov, Andrey Vasilenko, Cavid Əzimov, Yusif Bünyatov, Aslan Həmidov, Ruslan Əliyev
Blokçular: Elmin Alışanov, Mərdan Məmmədov, Emil Aşumov
Toppaylayıcılar: Roman Qurskiy, Əmirmehdi Ablou
Liberolar: Kənan Allahverdiyev, Nihad Qasımov
Baş məşqçi: Fərid Cəlalov
Qeyd edək ki, milli komanda mübarizəyə mayın 17-də start verəcək. Mayın 17-19-da Azərbaycanda baş tutacaq ilk turda millinin rəqibləri Rumıniya və Ukrayna yığmaları olacaq. Mayın 24-dən 26-dək Belçikada keçiriləcək ikinci turda isə milli komandamız meydan sahibi ilə yanaşı, Şimali Makedoniya yığması ilə üz-üzə gələcək. Üçüncü tur 31 may-2 iyunda Estoniyada reallaşacaq. Burada rəqiblər ev sahibi komanda və Lüksemburq olacaq.