QUBADA YOLLARIN BƏRPASI DAVAM ETDİRİLİR
AZƏRTAC xəbər verir ki, Quba rayonu ərazisindəki yolların təmiri və bərpası davam etdirilir. Bugünədək rayon ərazisindəki 13 min 927 kvadratmetrlik asfalt və 9.870 kvadratmetrlik çınqıl örtüklü yollarda təmir işləri aparılmışdır. Təmir zamanı 131 ədəd yol nişanı quraşdırılmış, yolların 6,5 kilometrlik hissəsi genişləndirilmişdir. Quba-Küpçal-Küsnət avtomobil yolunun bir hissəsindəki asfalt örtüyü təzələnmiş, Quba-İspik yolunun 3 kilometr ərazisi isə asfaltlaşdırılmışdır. Qonaqkənd və Ördüc kəndlərini birləşdirən yeni yol çəkilmişdir.
Amsar kəndində isə uzunluğu 180, eni 1,5 metr olan metal konstruksiyalı piyada körpüsü istifadəyə verilmişdir.
