“QUŞ QRİPİ” XƏSTƏLİYİNƏ QARŞI PEYVƏND HAZIRLANMIŞDIR
AZƏRTAC ABŞ mətbuatına istinadla xəbər verir ki, Pitterburq Universiteti tibb fakültəsinin professor-müəllim heyətindən ibarət elmi-tədqiqat qrupu “quş qripi” xəstəliyinə qarşı peyvənd hazırlamışdır. Həmin peyvənd quşlarda sınaqdan keçirilmiş və məlum olmuşdur ki, o, quş orqanizmində xəstəliyin törədicisi olan H5N1 virusuna qarşı immunitet yaradır və nəticədə yoluxma halları baş vermir.
Qrupun rəyinə görə, peyvənd hələlik insanlarda sınaqdan keçirilmədiyinə görə, onun insan orqanizminə necə təsir göstərəcəyi barədə danışmaq tezdir. Bununla belə, bir aydan sonra peyvəndin istehsalına başlanılacaqdır.
Bölmənin digər xəbərləri
