QUŞÇULUQ MƏHSULLARININ NÖVBƏTİ YARMARKALARI KEÇİRİLMİŞDİR
AZƏRTAC xəbər verir ki, aprelin 20-də Bakı şəhərinin “Təzə bazar” MMC-də, 3-cü mikrorayon, Nəsimi və Sabunçu bazarlarında, Yeni Günəşli və digər yerlərdə keçirilmişdir.
Yarmarkalarda alıcılara keyfiyyətli və bazar qiymətlərindən ucuz mallar təklif olunmuşdur. “Təzə bazar” MMC-nin həyətindəki yarmarkada Hövsan, İmişli, Goradil, Giləzi, Biləsuvar broyler fabriklərindən gətirilmiş yumurtanın 1 ədədi 6-10 qəpiyə, keyfiyyətli quş ətinin kiloqramı 2 manat 40-2 manat 60 qəpiyə, içalat 2 manat-2 manat 20 qəpiyə satılmışdır.
Giləzi MMC-nin işçisi Sabir Qarayevin sözlərinə görə, 3 aydan çoxdur ki, hər həftə yarmarkaya məhsul gətirir. Bu gün satışa 5 min ədəd yumurta çıxarıb, birini 6 qəpikdən təklif edir.
Respublika Quşçular Cəmiyyətinin sədri Aydın Vəliyev bildirmişdir ki, bu gün şəhərin 8 yarmarkasında satışa 22 ton toyuq əti və 500 min ədəd yumurta çıxarılmışdır.
Bölmənin digər xəbərləri
